繼續努力!

2014年6月10日

已經係第2年，時間過得真係太快...

2年前既6月，開始準備想要B，打針，食排卵藥，睇中醫，由冇咩壓力變到非常大壓力...
到壓力大到心情極低落，一見倒家人同朋友咁易又有B會影響情緒，會喊...
一路一路咁經歷、過度、學習，到依家已經冇情緒咁大起伏咁低落~
開始真真正正了解倒自己身體既問題，去努力解決，同時都比自己信心好快做倒~

早幾個月得到一位Blog友介紹睇佢睇開既中醫，我都好開心佢介紹左呢位醫師比我，我相信係緣份黎~
我對佢幫我好有信心，今星期日0係佢度開始做推拿治療同針灸，推拿醫師話我塞，我希望幫得到我，起碼改善倒自己本身既身體狀況先。

持續2個月自己在家差不多晚晚燒艾，肚皮平時凍既感覺又真係改善左，依家經常都暖立立，加埋最近開始早上飲一杯薑+紅糖/黑糖茶，今次經痛改善左超多，冇咩痛，經量都開始正常返，好開心。一定要繼續努力，再接再厲，要對自己有信心!

岩岩既龍母誕同班朋友上左肇慶拜龍母，求多個保祐，希望願望成真啦~

今次真係好積極

其實自己真係好懶，知道自己真係未盡力去改善自己身體，終於掟起心肝....報左名上瑜珈班啦!!!!!!

昨日上左第一堂，嘩，拉筋拉到我丫.........

好在我媽咪陪我一齊上，有個伴，冇咁悶.....

諗諗下，生女其實都幾好，大個左有個女陪去行下街，做下呢d野都幾好~

我知道自己主要問題都係血液循環唔好，唔夠血，氣虛血弱，所以一定要對正下藥!

睇中醫食藥幫助就梗架啦，但唔可以淨係靠食藥既，一定要有運動再食d天然野再加埋早訓先有用!!!! 呢句說話其實我講左幾次，但次次都冇好大決心既行動支持.....今次真係唔同了....真係上網搵堂報~~~因為我知道我個人係一定要比左錢去上堂我先會逼住自己去做!!

之前一路話想上瑜珈講左咁耐都冇行動，係因為多數坊間都係d大機構，我最怕要我簽咩合約要比一年錢個d，我只係想搵d 小班教學，老師book個場教，比一次錢係for上幾堂，想學就再比錢再上個種~

咁岩上網搵倒，每次只上8堂，岩曬我! 因為我就係要配合中醫師呢1,2個月幫我谷一谷，我想中既機會大d!!!!

另外我聽呀嫂講，佢0個時係咁飲花膠湯所以機會又易d有，我就決定加埋食療改善下身體! 但原來花膠都有分好多種，唔係普通既花膠就有效，佢話要食雞泡魚花膠同白花膠比較岩我依家既情況，我知呢2隻都幾貴..................好似千幾蚊一塊花膠.......唔知買唔買得起.............

身邊既朋友愈來愈多bb出世，真係恨到我不得了.....真係好得意好可愛! 出街睇bb野送比人時，真係超想係買比自己!!!!就係因為咁，所以加強左我既決心! 真係要勤力d同盡最大努力先得呀!!!!!!!!!!!

新的Blog．新的開始

既然開左新blog，咁就努力d寫返blog先，哈哈.......

呢排開始決心做運動增加血液循環，呢個星期已經做左3次......

依家一放假就會去屋企後面個山行山，夜晚食完飯休息陣後就同老公落樓下散步加做收大腿肌肉既運動，唔怕劇烈得濟又可以令到自己出汗同個心跳得快d。

另外最重要一定要加埋早d訓....其實話早話早都成12:45-1:00先訓，真係唔得....

雖然比起以前係早左，因為以前係1點半-2點先訓.........

真係要再早d先得呀!!!!

另外更加要忍食，忍食所有生冷野，望住好想食既魚生都要忍住.........沙律都要避啦......飲料盡可能都唔好飲........

9月同10月對我黎講真係身體好多問題，先先0係右手神經線無啦啦發炎...手指手脾全部腫曬.....

睇醫生話係勞損.....要keep住做物理治療，之前又要係咁食消炎藥食神經線藥....

休息左個幾星期後情況有d好轉，突然又無啦啦腸胃炎.......救命....

好返唔夠幾日突然又無啦啦左眼發炎,腫到豬頭咁....要睇眼科醫生，真係好恐怖呀!!!!

眼腫左4,5日好返之後，唉...又到隻手又腫返......咩事呀???!!!!><

點解要沒完沒了.......我唔想影響我生b計劃......

始終食咁多消炎藥都會有影響~

今日岩岩睇完中醫，醫生今次講左d說話係平時唔會講既野，有小小令我有d希望咁，但又怕有希望反而有失望...

anyway，盡左力唔得就下個cycle既第4日再見啦醫生~!!!

希望唔駛下個cycle見啦,wahhahaa!!!

搬左過黎啦~

終於開左新blog，舊既yahoo blog備份左但係懶得去整返過黎....

睇下黎緊呢個月內有冇心情去轉返d舊blog過黎吧~~~